| |
13/05/2007 07:27
У паўфінале Дзмітрый Калдун заняў чацвёртае месца
Мінск, 13 мая. У адпаведнасці з рэгламентам пасля заканчэння фіналу "Еўрабачання-2007" арганізатары конкурсу апублікавалі падрабязнасці паўфінальнага галасавання.
Прадстаўнік Беларусі Дзмітрый Калдун заняў чацвёртае месца са 176 баламі. Першай была Марыя Шарыфавіч з Сербіі (298), другой - Магдзі Ружа з Венгрыі (224), трэцім - Кенан Догулу з Турцыі (197).
Пяты вынік паказала Латвія (168), шосты - Балгарыя (146), сёмы - Славенія (140), восьмы - Грузія (123), дзевяты - Македонія (97), дзесяты - Малдова (91). Усе гэтыя краіны выйшлі ў суботні фінал. Астатнія 18 паўфіналістаў выбылі з барацьбы.
У фінале Сербія таксама была першай (268); Венгрыя - дзевятай (128), Турцыя - чацвёртай (163), Беларусь - шостай (145), Латвія - 16-й (54), Балгарыя - пятай (157), Славенія - 15-й (66), Грузія - 12-й (97), Македонія - 14-й (73), Малдова - 10-й (109).
У паўфінале Д.Калдун атрымаў па 12 балаў ад пяці краін (Арменіі, Ізраіля, Малдовы, Расіі, Украіны), па 10 - ад трох (Кіпра, Латвіі, Літвы), 8 - ад ніводнай, па 7 - ад трох (Эстоніі, Грэцыі, Мальты), па 6 - ад дзвюх (Балгарыі, Ірландыі), па 5 - ад дзвюх (Чэхіі, Турцыі), па 4 - ад сямі (Албаніі, Македоніі, Грузіі, Ісландыі, Чарнагорыі, Польшчы, Сербіі), па 3 - ад трох (Нарвегіі, Румыніі, Швецыі), па 2 - ад дзвюх (Босніі і Герцагавіны, Венгрыі), па 1 - ад дзвюх (Даніі, Партугаліі). Ад 13 з 42 краін Д.Калдун ачкоў не атрымаў.
У фінале беларускаму выканаўцу не далі ачкоў 18 краін-удзельніц. На першым месцы (12 ачкоў) ён быў у трох дзяржавах - Расіі, Украіне і Ізраіле.
Дзмітрый УЛАСАЎ, БелаПАН.
|
Палітыка
тыдзень
